Bosh sahifaSalomatlikNima uchun och qoringa asalli suv ichish mumkin emas?

Nima uchun och qoringa asalli suv ichish mumkin emas?


Och qoringa suv ichish mumkin, albatta, asal va limonsiz. Asal yoki limonli suv gastrit kabi muammolarga olib kelishi mumkin, deb yozadi “Noviy ochag”.

Foto: “Noviy ochag”

Agar ertalabdan ovqat hazm qilish tizimini boshlamoqchi bo‘lsangiz, unda faqat oddiy suv ichish kerak. Och qoringa asal va limonli suvning foydalari hanuzgacha isbotlanmagan, ammo ichimlik salbiy ta’sir ko‘rsatadi. Ayniqsa, ovqat hazm qilish tizimi kasalliklari bo‘lgan odamlar uchun bu kabi ichimlik mumkin emas.

Nima uchun och qoringa asalli suv ichmaslik kerak?

Asal — foydali mahsulot bo‘lib, u organizmning faoliyatini yaxshilaydi, yoshartiradi va vazn kamaytirishga yordam beradi. Ertalab suv metabolik tizimning ishini kuchaytirish va davolash uchun ichiladi. Kechgacha ko‘p suyuqlik organizmni tark etadi, toksinlar to‘planadi va suyuqlik ularni eritadi. Biroq unda asal yoki limon bo‘lmasligi kerak. Alohida iste’mol qilinadigan mahsulotning foydali xususiyatlariga qaramay, ertalabki qabul qilish uchun bir qator qarshi ko‘rsatmalar mavjud: allergik reaksiya, qandli diabet, oshqozon va ichakning surunkali kasalliklarining har qanday kuchayishi, oshqozon kislotaliligining oshishi va homiladorlik. Ushbu ko‘rsatkichlarning barchasida asalli suv ichish taqiqlanadi.

Asal mahsulotida ko‘plab vitamin, mineral, mikro va makro elementlar mavjud. U deyarli 80 foiz uglevodni o‘z ichiga oladi: saxaroza va glyukoza. Tabiiy asal ajoyib antidepressant hisoblanadi, chunki muntazam foydalanish bilan u odamga tashvishdan xalos bo‘lishga va uyquni normallashtirishga yordam beradi. Biroq barcha komponentlar faqat och qoringa emas, balki alohida iste’mol qilinganda foyda beradi. Asalning dorivor xususiyatlari ko‘p, ammo foydalanishda salbiy ta’sir qilishi ham mumkin. Shuningdek, asal iste’mol qilishda kunlik me’yorni oshirib yubormaslik kerak, chunki bu allergiyaga olib kelishi mumkin. Qandli diabet bilan og‘rigan bemorlar uchun asal tavsiya etilmaydi. Bunday holda dastlab shifokor bilan maslahatlashish zarur.

Ertalab qanday ichimlik ichish foydali?

Ertalab oddiy suv ichish qon aylanishi, limfa va buyrak tizimlarini faollashtiradi va uyquchanlik bilan kurashishga yordam beradi. Shuningdek, sog‘lom teri va kuchli immunitetga ega bo‘lish mumkin. Biroq, yotoq yoniga bir stakan suv qo‘yish taqiqlanadi. Agar ushbu odat mavjud bo‘lsa, qaynatilgan suvni qopqoq bilan yopish kerak. Ammo bu holatda ham ichimlikning foydali xususiyatlari yo‘qoladi. Qopqoq ostidagi suv eskiradi va uni ichish mumkin emas.

Ammo shuni yodda tutish kerakki, tun davomida bitta stakanda suv ichish jarayonida og‘iz bo‘shlig‘idan millionlab mikroblar suvga qo‘shiladi. Shuningdek, stakan ichiga o‘lik teri hujayralari hamda ter tushishi mumkin. Bularning barchasi inson salomatligiga ta’sir qiladi va turli xil kasallikka olib keladi. Uyqu vaqtida odam juda ko‘p karbonat angidrid chiqaradi. Bu gazlarning barchasi esa bir stakan suvga kelib joylashadi. Shuning uchun tunda suv ichish odatiga o‘zgartirishlar kiritib, salomatlikka g‘amxo‘rlik qilish lozim.

Manba
Ctrl
Enter
Xato topdingizmi?
Matnni tanlang va Ctrl+Enter tugmalarini bosing
Izohlar
Izohning minimal uzunligi 50 belgidan iborat. sharhlar moderatsiya qilinadi
Hozircha izohlar yo‘q. Siz birinchi bo'lishingiz mumkin!