Balenciaga oyoq kiyimlari bir umr xizmat qilishini isbotlash uchun atay eskirtirilgan kedalarni sotuvga chiqardi
Balenciaga “Paris” kedasining yangi modelini chiqardi — oyoq kiyimlarning ustki qismi mato, tagligi tekis va barmoq qismi rezinadan ishlangan, deb yozadi “Pravila jizni” nashri.
Foto: “Pravila jizni”Kedalar kiyilgandek ko‘rinishda bo‘lishi uchun eskirgan modelda yaratilgan, go‘yoki brendning kreativ direktori Demna Gvasaliya 100 juft keda bilan uzoqroq yurib, ularni juda ham yomon — iflos, yirtilgan va eskirgan holga keltirgan. Ushbu eski Balenciaga kedalari 1850 dollarga sotiladi, odatiy “Paris” esa 625 dollarni tashkil qiladi.
Foto: “Pravila jizni”Biroq eskirgan krossovkalar konseptual tarkibiy qismga ega: Balenciaga modalar uyi ularning poyabzali abadiy va bir umrga kiyish uchun mo‘ljallanganini ta’kidlamoqda. Eski kedalarni chindan ham kiyish mumkin: reklamadagi suratlardan farqli o‘laroq, sotuvdagi oyoq kiyimlar chirishga moyil bo‘lmaydi.
“Paris” kedalarining oddiy va eski versiyalari 2022-yil 26-may kuni sotuvga chiqariladi.
Manba